Kasagarang Mga Pangutana
Libre ba ang mga materiales niining website?
Oo, walay bayad ang tanang mga files niining website.
Mahimo bang ihatag nako ang akong gidownload ngadto sa akong mga higala?
Oo, pwedeng ipanghatag nimo kining mga files sa imong mga higala. Mahimong i-burn nimo sa CD. Mahimong ibutang nimo sa usa ka USB drive. Mahimong i-e-mail nimo kang bisan kinsa. Mahimong i-pasa nimo pinaagi sa Bluetooth.
Mahimo bang ibaligya nako ang akong gidownload?
Dili. Ginadili gyud ang pagbaligya niining mga files. Kun idownload nimo ang mga files nagpasabot kini nga gikauyonan nimo nga dili nimo ibaligya.
Unsay pinulongan nga gigamit sa mga files diri?
Ang kadaghanan sa mga gisulat nga mga materiales niining website gisulat sa Langilan Manobo nga pinulongan (nga usahay gitawag nga Inata o Ata). Aduna usa'y mga materiales sa Bisaya, sa Umayamnon, sa Dibabawon, sa Tala Ingod, sa Tigwa ug sa Matig Salog nga mga pinulongan.
Unsa man ang MABCAM?
Ang pasabot sa MABCAM mao ang Manobo Bible Church Association of Mindanao. Kini usa ka pundok sa mga kasimbahanan sa Mindanao. Gimugna kini kaniadto sa OMF International.
Asa nagpuyo ang mga Manobo nga tawo?
Nagpuyo sa taliwala sa Mindanao ang mga Manobo nga gihisgot niining website. Ang buot ipasabot niini, mao ang mga probinsya sa Bukidnon, Davao del Norte ug Compostela Valley (Comval). Aduna say uban pang klase sa Manobo nga nagpuyo sa lain pang mga bahin sa Mindanao, apan wala ang ilang mga pinulongan niining website.
